oongeluifelek
iech bin de weeg kwiet
gans de kluts kwiet
zo duie euveral meh get neer
van die hökskes, sorrie brakke vaan, oongeleuvelek
de kins d’n koont amper dreije
iech wèl zwiege euver mèt zien dreije
euver mien touwkoms maag geer raoje
iech bin de kluts kwiet
zjus wie die luij op kentoer
de weeg kwiet zien
zie zitte royaol en make väöl kabaal
oongeluifelek wat ‘n gelök
ze zien bijnao bejaord
en daan, en daan duje veer zie met ne rolstool op e kemerke,
nein ‘n hoes vaan 18 veerkante meter
inclusief poepdoes en fonteintje
de oto höbe ze neet nudeg
ouch gein plaots veur
Albert Heijn to go is op loupafstand
Mac Donald aon de aandere kant van de weeg
de sportzaol en de kantine bei de hand
in t zwumbad kinne ze duuke en gleije
en es t nudeg is köpke oonder goon
ze zien gereid vanaof medio 2025.
‘t sjoen geknip graas op Het GeusseltPark is aofwisselend vaan ‘t evenemint neet broekbaar.
Meh wel weer e veurdeil eine frisse duuk maak väöl good
net als de eendjes in de vijver
De nui touwkomsbestendige hoeser vind geer boe noe nog MVV-stadion steit,
enne ein groet veurdeil
Veur starters, 18 veerkante meter
Veur bejaarden, 18 veerkante meter
Geer hoof noets mie te verhuize.
Oongeluifelek
es zie dat ieder hadden geweeten
hojsde zie zellef op 18 veerkante meter
iech bin de weeg kwiet
gans de kluts kwiet
‘t zal wel de leeftied zien
oongeluifelek
gans de kluts kwiet
Jean van Gasteren/28-02-2025