Klaos wie iech al zag neume veer häöm
heer hösj drei straote weierop
Heer heet ‘n houte bein en luip e bitsje sjuins
Tis eine doedgooije mins
en de jäög is dao bang vaan
Heer heet altied ’n stek bij ziech en es zie häöm oetsjelle vlook heer alles beijein en zwejt heer met zien voeste in de loch
Klaos heet groete han, wie koolesjeuppe en este aordig bis heet heer alle tied vaan de wereld veur diech.
Heer is geleef bei de lui umtot heer anekdotes kin vertelle die diech bijblieve
Verhaole vaan vreuger oet ne tied wie zelfs iech nog neet gebore waor.
Klaos heet veul metgemaak
Twie wereldoorloge boe al zien vrun t leve höbe gelaote
Heer waarschowd us um neet haatdragend te zien en elkaar leef te höbe.
Heer is ‘ne gooje Klaos en iech hoop dat heer nog lang bei us maag blieve.
Jean van Gasteren/01-10-2024.